Rus Zhan
21 қараша 2025 ж
«Мен қарапайым демалушымын, Атыраудан бір аптаға ем алуға келдім. Бұрын отбасымызбен тек «Қазақстан KZ» санаторийіне баратынбыз. Жағдай өте жақсы болатын. Медбикелер, құрал-жабдықтар, бассейн, хамам, бөлмелер, тамақтану жағы — бәрі де тәп-тәуір еді.
Кейін олар үшінші тұрғын үй кешенін жапсарлап салды. Ал емдеу корпусы сол қалпында қалды. Біреулер: "Оларда үшінші корпустың астында емдеу бөлімі бар ғой" деп дау айтуы мүмкін, бірақ біріншіден, онда бәрі жоқ, екіншіден, даламен жүру керек. Елестетіп көріңізші, процедурадан кейін буға пісіп шығып, даламен жүргенді.
Қысқасы, қазір ол жақта құмырсқаның илеуі, не құс ұясы (скворечник), не тура мағынасында "қора" болып кетті. Процедураларға жай ғана кіре алмайсың, барлық жерде айқай-шу, ұрыс-керіс. Апалар мен аталарды өткізу керек қой. Мысалы, бір апа келеді де: "Мен бөлеме, шөбереме, немереме кезек алып қойдым" дейді. Болды. Көгергенше тұрасың. Бір процедураға 40-45 минуттап кезек күтесің.
Жалпы, егер дұрыс ем алып, жүйкеңізді жұқартқыңыз келмесе, "Қазақстан KZ"-ке жолдама алмаған дұрыс. Басқа толып жатқан санаторийлер бар. Сол баяғы "Шипа су" немесе "Ақтілек", "Арман" немесе "Көктерек" және басқалары. Қазір санаторийлер саны 50-ден асады дейді. "Қазақстан KZ"-ті жай ғана ұсынбаймын. Көңіліңіз қалады. Сырт көзге жақсы сияқты көрінгенмен, дұрыс ем ала алмайсыз».
***
Лаура Сагимова
29 қараша 2025 ж
«Барлығы өте ұнады! Асханасы тамаша! Тамағы дәмді! Қызмет көрсетуі мен қызметкерлері жақсы, қамқоршыл! Барлық процедуралар бар, тұзды шахтасы тиімді! Бас дәрігері дөрекі, сөзге сараң! Анализдерді нашар алды, қан ұйып қалды! Тазалығы орташа, дәліздері кір! Бөлме тазалауды сұрау керек! Сұрамасаң, сүлгіні ауыстырмайды! Жалпы, демалуға болады! Суы жақсы! Әкімшілері (админдері) ақылға қонымды! Түсіністікпен қарайды!»
***
Айбек Н.
3 қараша 2025 ж
«Жақында анам мен тәтемді осы санаторийге демалуға жібердім. Өкінішке орай, әсерлері өте жаман. Ретімен айтсам:
Бронь бір ай бұрын жасалған, бірақ іс жүзінде келген кезде бөлме дайын болмады. Кетуден бір күн бұрын дайындап қоюды сұрасам да, келу уақытын білген.
Бөлмелер кір және сасық. Тазалық жасалмайды, еден жабындарын жумайды, олар кір және сасық. Барлық бөлмелер дерлік осындай.
Әкімші Бекзат өзін әлемнің патшасы санайды. Клиенттермен жұмыс істеуді мүлде білмейді. Демалуға тегін немесе оның есебінен келгендей әсер қалыптасады. Дөрекі және тәрбиесіз.
Горничныйлер (бөлме тазалаушылар) дөрекі және тәрбиесіз. Есікті қақпай бөлмеге кіре береді.
Директор шағым түсіру үшін ешқашан орнында болмайды. Дегенмен, бұның көмегі жоқ шығар.
Жалпы алғанда, клиенттерге бағдарлануы (клиентоориентированность) ақсап тұр. Персонал клиенттермен жұмыс істей алмайды.
Дәрігерлік персонал жабдықтармен жұмыс істей алмайды. Ваннадағы судың температурасы өте ыстық. Қажетті температураны реттей алмайды.
Жақсы тұстары:
Әдемі аумағы, ғимараты.
Асханасы азды-көпті қалыпты, тек екінші тағамдарды өзгерту керек.
Жалпы алғанда, бағасы 10-нан 1. Әдемі ғимараты, жабдықтары бар, бірақ персонал сауатсыз және жиіркенішті. Басшылық мұндай қарым-қатынасты құптайтыны немесе жай ғана бәрін өздігінен жіберіп, бақылау жоқ екені көрініп тұр. Жеке біз бұл санаторийге енді қайтып оралмаймыз.»
***
Дорфман Екатерина
14 наурыз 2025 ж
Барлығы толық ұнады. Қызмет көрсетуі және тамағы (көптеп береді әрі дәмді), үлкен таза бассейн, балалар бассейнін ерекше атап өтуге болады. Аумағы үлкен.
***
Акмаль Башаров
2 қазан 2024
«Жақсы тұстары іс жүзінде жоқ, тек кемшіліктер ғана, қызмет көрсетуі нөлде. Бөлме тазалауды сұрамасаң, тазаламайды. Бір апта ішінде төсек жабдықтарын, сүлгілер мен халаттарды бар болғаны бір-ақ рет ауыстырды, оның өзін де екі күн сұрап жүрдік.»
***
